Ատենախոսության հրապարակային պաշտպանությունը կազմակերպելու համար հայցորդը դիմում է իր մասնագիտությանը համապատասխանող գիտական քարտուղարին: Դիմելիս հայցորդը պարտավոր է ունենալ ատենախոսության թեման հաստատած գիտական կազմակերպության եզրակացությունը:
1. Գրանցվել www.degrees.hesc.am կայքում, գրանցման համար կարող եք հետևել հետևյալ հրահանգներին 
2. Պաշտպանությունը կազմակերպելու համար հայցորդը մասնագիտական խորհրդի գիտական քարտուղարին է ներկայացնում`
-
ատենախոսությունը պաշտպանության ընդունելու մասին դիմումը,
-
ատենախոսության տպագիր (3 օրինակ) և էլեկտրոնային տարբերակները,
-
ատենախոսության նախնական քննարկման համար պահանջվող փաստաթղթերը (ձև 2):
Դիմումի լրացված ֆայլն ու ատենախոսության էլեկտրոնային տարբերակը (Word 2003-2007) ուղարկել գիտական քարտուղարի աշխատանքային էլեկտրոնային փոստին (տես մասնագիտական խորհուրդներ):
3. Տվյալ մասնագիտության թվանիշով խորհրդի կազմ չլինելու դեպքում հայցորդը կարող է դիմել գործող խորհուրդ ունեցող կազմակերպություն՝ խորհրդի նոր կազմ ստեղծելու համար:
4. Գիտական քարտուղարը` ստուգելով փաստաթղթերի ամբողջականությունը, 3 աշխատանքային օրվա ընթացքում ատենախոսության ֆայլն ու դիմումը ուղարկում է խորհրդի հաստատմանը:
5. Ստանալով խորհրդի հաստատումը` գիտական քարտուղարը ատենախոսության մեկական օրինակ տալիս է մասնագետներին, ովքեր 15 օրվա ընթացքում ատենախոսության վերաբերյալ ներկայացնում են եզրակացություններ:
6. Մասնագետների տրամադրած եզրակացությունների հիման վրա կայացվում է ատենախոսությունը պաշտպանության ընդունելու վերաբերյալ որոշում, որն ատենախոսության էլեկտրոնային տարբերակի հետ միասին ուղարկվում է ԲԿԳԿ defense@hesc.am էլեկտրոնային հասցեին:
7. Դրական եզրակացություն ստանալու դեպքում հայցորդի ատենախոսության պաշտպանությունը կազմակերպվում է խորհրդում:
8. Մասնագիտական խորհուրդը նշանակում է պաշտոնական ընդդիմախոսներ, առաջատար կազմակերպություն, պաշտպանության օր, թույլատրում սեղմագրի տպագրությունը:
9. Հայցորդը պաշտպանության օրվանից առնվազն 30 օր առաջ առաքում է սեղմագրերը , ատենախոսության 1 և սեղմագրերի 2 օրինակ հանձնում այն կազմակերպության գրադարանին, որտեղ գործում է խորհուրդը: